MMSak

18/10/01etik aurrera, Yoigok ez du eskaintzen MMS zerbitzua (multimedia-mezularitzako zerbitzua edo Multimedia Messaging Service, ingelesezko siglen arabera).

ZER DIRA MMSak?

MMSak (multimedia-mezu ere esaten zaie) telefono mugikor batetik beste batera bidal daitezkeen mezuak dira. Mezu horiek, karakteretako testu-edukia izateaz gain, beste elementu digital batzuk ere eduki ditzakete, hala nola fitxategi erantsiak.

MMS batek fitxategi-tipologia hauek izan ditzake:

• AMR audioa
• MIDI audioa
• MP3 audioa
• WAV audioa
• GIF irudiak
• JPEG irudiak
• 3GP bideoa
• MP4 bideoa

Mota honetako multimedia-mezuak bidali ahal izateko, MMSen pisu-muga 300 kB ingurukoa da.

Beharrezkoa da MMSak igorlearen telefono mugikorretik gaituta egotea, eta, gainera, hartzailearenean ere aktibatuta egotea. Nolanahi ere, gailuaren teknologiak eta haren telefonia-zerbitzuarenak bateragarriak izan behar dute.

MMS-EN ETA SMS-EN ARTEKO ALDEA

SMSak eta MMSak gailu mugikorren bidez erabiltzaileen artean komunikatzeko bi modu desberdin dira. Gainera, kontuan hartzeko moduko alde nabarmenak daude bien artean:

• SMSak “Short Message Service” edo “mezu laburren zerbitzua” adierazten du, eta MMSak, berriz, “Multimedia Messaging Service” edo “multimedia-mezuen zerbitzua”.
• Hortaz, SMS mezuek testu-mezuak bidaltzeko aukera baino ez dute ematen, eta MMS mezuek, berriz, testua irudiekin, audioarekin eta bideoarekin bidaltzea ahalbidetzen dute.
• Mezu-mota bakoitzaren pisua desberdina da. SMS baten pisua 160 bytera mugatuta dago, eta MMS batena, berriz, 300 kB-ra.
• SMSak telefono mugikor guztietan daude gaituta; MMSak, ordea, erabiltzaileak berariaz gaitu behar ditu, eta eskura dagoen teknologiak horiek bidaltzeko eta jasotzeko aukera eman behar du.
• SMSetan, testua karaktere estandar moduan bidaltzen da. MMSek, aldiz, testua erabat pertsonalizatzea ahalbidetzen dute, haren tipografiatik hasi eta letra-tipoaren forma eta tamainaraino.