ZER DA ZEHARKAKO ZUNTZA / NEBA?

Zeharkako zuntza sare propiorik ez duen telekomunikazio-konpainia batek eskaintzen duen zuntza da. Operadoreek banda-zabalera alokatzen diote zona horretan azpiegitura propioa baduen beste konpainia bati, eta horrela eskaintzen dute beren zerbitzua.

Zuntza zuzenean edo zeharka izatearen arteko aldea oso txikia da. Erabiltzaileei ez die eragiten, konexio-zerbitzua eta kalitatea berdinak direlako. Zenbaitetan, konpainia batzuek lehiakideenak baino zeharkako zuntz-pakete garestiagoak eskaintzen dituzte. Horren arrazoia da, besterik gabe, zerbitzua kontratatzeko ordaintzen duten prezioak kostuak igoarazten dituela. Dena den, normalean zuntz-paketeen prezioetan ez da alde handiegirik izaten.

Zeharkako zuntza kontratatzerakoan, telefoniako operadorearekin harremanetan jarri eta etxean estaldurarik duzun galdetu besterik ez duzu, zuzeneko zuntza balitz bezala. Hortaz, ikusten dugunez, normalean erabiltzaileek ez du kezkatu beharrik zuntza zuzenean edo zeharka kontratatzeari dagokionez, horrek ez baitakar alderik, ez zerbitzuan, ez kalitatean.